प्युटारमा एक घरमा आगलागी, १५ लाखको क्षति

२ वैशाख ०७७,ललितपुर । दक्षिण ललितपुरको बाग्मती गाउँपालिका ४ गडिभञ्ज्याङ छाप्रेडाँडा प्युटारमा आगलागी भएको छ । प्रहरीका अनुसार बस्ने यस स्थानमा बस्ने ३५ वर्षीय ज्ञान बहादुर लामाको गोठमा कुँडो पकाउने क्रममा मंगलबार दिउँसो आगलागी भएको हो । आगो गोठबाट फैलिएर सँगै जोडिएको घरमा फैलिएर घर समेत जलेको थियो । आगलागीपछि घरसँगै गोठ, भाँडावर्तन लगायतका विभिन्न सामानहरू जलेर नष्ट भएको थियो । आगलागीपछि करिब १५ लाख ३१ हजार रुपैयाँ बराबरको धनमाल नष्ट भएको प्रहरीले जानकारी दिएको छ ।
आगलागीपछि स्थानीय गाँउलेले आगो निभाउने प्रयास गरे पनि सम्भव भएन । राजधानीको दलमल रहेको स्थान ५५ किलोमिटर दुर्गम क्षेत्रमा आगलागी भएको हुँदा दमकल पुग्न सकेन ।