ललितपुरको चौघरेबाट सात बर्षिया वालिका बलत्कारको आरोपमा ६६ वर्षिया बृद्ध पक्राउ

२९ असार ०७८, ललितपुर । दक्षिण ललितपुरको चौघरेबाट सात वर्षीया बालिकालाई जबरजस्ती करणी (बलात्कार) गरेको अभियोगमा ६६ बर्षिया बृद्ध पक्राउ परेका छन् । प्रहरीका अनुसार बलात्कारको आरोपमा कोन्ज्योसोम गाउँपालिका १ चौघरेस्थित ठोस्ने खोला बस्ने ६६ वर्षीय फ्याङसिर घ्यावालाई सोमाबर दिउँसो प्रहरीले पक्राउ गरेको छ ।
पक्राउ परेको अभियुक्तलाई महानगरिय प्रहरी बृत्त चापागाँउ लगिएको चौघरे प्रहरी चौकीले ललितपुर खबरलाई बताए । चौघरे प्रहरीका अनुसार घटनाको अनुसन्धान चापागाँउ प्रहरीले गरिरहेको छ ।
घ्यावाले ती बालिकालाई ललाई फकाई जबरजस्ती करणी गरेको भन्ने खबर प्राप्त हुनासाथ ईलाका प्रहरी कार्यालय कोन्ज्योसोमबाट खटिएको प्रहरीले उनलाई पक्राउ गरेको थियो ।