काठमाडौंको नयाँबजारकी चमेली कौशीबाट लडेर मृत्यु

२९ असार ०७८, काठमाडौं । काठमाडौं महानगरपालिका १६ नयाँबजारकी एक महिलाको कोशीबाट लडेर मृत्यु भएको छ । प्रहरीका अनुसार नयाँबजारमा डेरा गरी बस्ने काभ्रे हुमलो गाउँपालिका ४ घर भएकी ५१ वर्षीया चमेली तामाङको लडेर सोमबार दिउँसो मृत्यु भएको हो ।
तेस्रो तलाको छतमा लुगा उठाउने क्रममा लडेर गम्भीर घाइते भएकी उनको बालाजुस्थित जनमैत्री हस्पिटलमा उपचारको क्रममा मृत्यु भएको हो ।
यस सम्बन्धमा प्रहरीले आवश्यक अनुसन्धान गरिरहेका जानकारी दिएको छ ।