कुसुन्तीको निर्माणाधिन घरबाट खसेर अपरिचित पुरुषको मृत्यु

३१ असार ०७८, ललितपुर । ललितपुर महानगरपालिका १३ कुसुन्ती हाईटस्थित श्रीधर ढुङ्गानाको नयाँ बन्दै गरेको ३ तले घरको पहिलो तलाबाट खसेर अहिलेसम्म नाम नखुलेको अपरिचित करिब ४२ वर्षीय पुरुषको बुधबार साँझ मृत्यु भएको छ ।
प्रहरी बुलेटिनमा जनाइए अनुसार घरको पहिलो तलाबाट खसेर गम्भीर घाईते भएका उनको पाटन अस्पतालमा उपचारको क्रममा मृत्यु भएको हो । उनी त्यस घरमा किन गए र कसरी पढ्न पुगे भन्ने विषयमा बुलेटिनमा उल्येख छैन ।
यस सम्बन्धमा प्रहरीले आवश्यक अनुसन्धान गरिरहेको जानकारी दिएको छ । उनको सनाखत नभएको र चिन्ने जानेको व्यक्तिले प्रहरीकोमा खबर गर्न प्रहरीले आह्वान गरेको छ ।