काठमाडौंको गुर्जुधारामा ट्रकको ठक्करपछि स्कुटर चालक युवतीको मृत्यु

१ साउन ०७८, काठमाडौं । काठमाडौंको गुर्जुधारामा ट्रकले स्कुटरलाई ठक्कर दिएपछि एक युवतीको मृत्यु भएको छ । प्रहरीका अनुसार चन्द्रागिरी नगरपालिका १२ गुर्जुधारास्थित सडकमा ना.८ ख १९८९ नम्बरको ट्रकले प्रदेश ३–०२– ००७ प ८४३ नम्बरको स्कुटरलाई बिहीबार साँझ ठक्कर दिएको थियो । ठक्कर दिएपछि चालक यसै नगरपालिका १२ हरियाली बस्ने धादिङ ज्वालामुखी गाउँपालिका २ घर भएकी ३१ वर्षीया जमुना कार्कीलाई सहिद ममोरियल अस्पताल उपचा्का लागि लगिएको थियो । ठक्करबाट गम्भीर घाइते भएकी उनको सहिद मोरियल अस्पताल कलंकीमा उपचारको क्रममा मृत्यु भएको हो ।
ट्रक चालकलाई नियन्त्रणमा लिई यस सम्बन्धमा प्रहरीले थप अनुसन्धान गरिहेको प्रहरीले बताएको छ ।