ललितपुरको गोदावरी १ जना र काठमाडौं ३ जना मृत फेला

२६ भदौ ०७८,काठमाडौं । शनिबार ललितपुरको गोदावरीमा १ जना र काठमाडौंको विभिन्न ठाँउमा ३ जना गरि ४ जना मृत अवस्थामा फेला परेका छन् ।
प्रहरीका अनुसार ललितपुरको गोदावरी, काठमाडौंको गौरीघाट, मनमैजु र सामाखुशीमा १\१ जना मृत अवस्थामा भेटिएका हुन् ।
प्रहरीले दिएको जानकारी अनुसार ललितपुरस्थित गोदावरी नगरपालिका ३ गोदावरी खोलाको छेउमा यसै नगरपालिका १ दमाईटार बस्ने ५६ वर्षीय प्रेम बहादुर थापा शनिबार मृत अवस्थामा फेला परेका छन् ।
काठमाडौं महानगरपालिका ७ गौरीघाटस्थित सडक पेटीमा सिन्धुपाल्चोक मेलम्ची नगरपालिका–१३ घर भएका ६८ वर्षीय कृष्ण तामाङ शुक्रबार मृत अवस्थामा फेला परेका छन् ।
यसैगरी काठमाडौं, तारकेश्वर नगरपालिका १० मनमैंजु मिलिजुली टोल बस्ने लम्जुङ सुन्दरबजार नगरपालिका ८ घर भएका २४ वर्षीय अनिस न्यौपाने आफ्नै कोठाभित्र शुक्रबार मृत अवस्थामा फेला परेका छन् ।
साथै काठमाडौं, टोखा नगरपालिका १० सामाखुसीस्थित अल नेपाल अस्पताल नजिकै सडक किनारमा अहिलेसम्म नाम थर नखुलेका अन्दाजी ३५ वर्षीय पुरुष गएराति मृत अवस्थामा फेला परेका हुन् ।
उनीहरुको सम्बन्धमा प्रहरीले अनुसन्धान अघि बढाएको जानकारी दिएको छ ।