काठमाडौंको कलंकीमा बसले मोटरसाइकललाई ठक्कर दियो, एक युवकको मृत्यु, चालक घाइते

२ माघ ०७८, काठमाडौं । काठमाडौंको कलंकीमा बसले मोटरसाइकललाई ठक्कर दिदा मोटरसाइकलमा या त्रा गरिरहेका एक युवकको मृत्यु भएको छ ।
प्रहरीका अनुसार काठमाडौं महानगरपालिका १४ कलंकीमा बा.६ ख १४५९ नम्बरको बसले प्र.०२– ०२८ प ७६१४ नम्बरको मोटरसाइकललाई शनिबार राति ठक्कर दिँदा मोटरसाइकलमा सवार काठमाडौं मनमैजु बस्ने रुकुम बुढाउत्तर गाउँपालिका १० घर भएका २१ वर्षीय संगित बुढामगरको मृत्यु भएको हो ।
ठक्करबाट गम्भीर घाइते भएका उनको कलंकीस्थित शहिद मेमोरियल अस्पतालमा उपचारको क्रममा मृत्यु भएको प्रहरीको भनाई छ । साथै दुर्घटनामा घाइते भएका मोटरसाइकल चालकको यसै अस्पतालमा उपचार भइरहेको छ । हाल फरार बस चालकको प्रहरीले खोजी गरिरहेका बताएकोे छ ।