कोटेश्वरमा मोटरसाइकल दुर्घटना, एकको मृत्यु, एक घाइते

५ माघ ०७८, काठमाडौं । काठमाडौंको कोटेश्वर सडकमा गएराती मोटरसाइल दुर्घटना भएको छ । प्रहरीका अनुसार मोटरसाइकल दुर्घटना हुँदा एक चालकको मृत्यु भएको छ भने पछाडि बसेका अर्का यात्रु घाइते भएका छन् ।
काठमाडौंको तिनकुनेबाट कोटेश्वरतर्फ आइरहेको मोटरसाइकल टिपरमा ठोक्किको बताइएको छ । गएराति करिव साढे ११ बजे प्रदेश ३–०२–०२६ प १८२४ नम्बरको मोटरसाइकल नम्बर नखुलेको टिपरमा ठोक्किएको हो । दुर्घटनापछि मोरङ घर भई सल्लाघारी बस्ने २६ वर्षीय अनन्त लिम्बुको मृत्यु भएको हो भन मोटरसाइकलको पछाडि बसेका काभ्रेका ३१ वर्षीय देव लामा घाइते भएका छन् । । लिम्बुको राति नै उपचारको क्रममा ट्रमा सेन्टरमा मृत्यु भएको प्रहरीले जनाएको छ ।
सो दुर्घटनामा मोटरसाइकलको पछाडि बसेका लामाको ट्रमा सेन्टरमा उपचार भइरहेको छ । टिपरचालक र टिपर फरार छन् उनको खोजी भइरहेको प्रहरीले बताएको छ ।