काठमाडौंको नारायणटारमा आगलागी, झण्डै एक करोडको क्षति

२२ माघ ०७८, नारायणटार । काठमाडौंको नारायणटारमा आगलागीपछि झण्डै एक करोडको क्षति भएको छ । प्रहरीका अनुसार गोकर्णेश्वर नगरपालिका ६ नारायणटारस्थित अर्थोपेडिक अस्पतालको लोन्ड्रीमा वासिङ मेशिनमा विद्युत सर्ट भई शुक्रबार राति आगलागी भएको थियो । आगलागीपछि यस अस्पतालको वासिङ मेसिन, लत्ताकपडा, फर्निचर र भवन समेत जलेर करिब ९५ लाख रुपैयाँ बराबरको धनमाल क्षति भएको छ । आगलागी प्रहरी स्थानीयवासी र दमकलको सहयोगमा आगलागी नियन्त्रणमा लिइएको थियो । साथै घटनाका सम्बन्धमा प्रहरीले थप अनुसन्धान गरिरहेको जानकारी दिएको छ ।