१४ फाल्गुन २०८०, सोमबार | Tue Feb 27 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

स्थानीय समाचार


गोदावरी उद्योग वाणिज्य संघ पत्रकारसँग सहकार्य गर्दै




२५ माघ ०७८, चापागाँउ । गोदावरी उद्योग वाणिज्य संघ दक्षिण ललितपुरका पत्रकारहरुसँग सहकार्य गर्दै अघि बढ्ने भएको छ ।
ललितपुरको चापागाँउमा सोमबार भएको छलफलमा गोदावरी उद्योग वाणिज्य संघका अध्यक्ष जगन्नाथ महर्जनले स्थानीय पत्रकारहरुसँग गोलबन्द हुँदै अघि बढ्न चाहेको बताए ।
महर्जनले सरकारको स्थानीय निकायमा गठन हुने नीति अनुसार हालै स्थापना भएको संघले दक्षिण ललितपुरका अन्य ४ वटा गाँउपालिकाको समेत अभिभावकत्व ग्रहण गर्दै यस क्षेत्रको विकाशको नेतृत् वगर्न चाहेका बताए । उनले दक्षिण ललितपुरमा रहेर पत्रकारिता क्षेत्रमा क्रियाशिल पत्रकारहरुको विकाशमा संघले योगदान गर्न चाहेको जानकारी दिए ।


कार्यक्रममा सञ्चारकर्मी नवराज सञ्जेलले दक्षिण ललितपुरको विकाशका लागि सकारात्मक पत्रकारिताको जरुरी रहेको बताए । पानोरमा टेलिभिजनका विएम आचार्यले दक्षिण ललितपुरका सवालहरुलाई योजनाबद्ध ढंगबाट प्रचार गर्न जरुरी रहेको बताए ।
अन्नपूर्ण पोष्टका फोटोपत्रकार अशोक दुलालले स्थानीय पत्रकारिता नफस्टाइ दक्षिण ललितपुरको पत्रकारिता अघि बढ्न नसक्ने बताए । यसका लागि स्थानीय सञ्चार माध्यमहरु फस्टाउनु जरुरी रहेको र उद्योग वाणिज्य संघले यसका लागि सहयोग गर्न जरुरी रहेको बताए ।
कृशुणा मिडियाका कृष्णमुरारी पुडासैनीले पत्रकारितालाई समाज सेवाको रुपमा हेरिनु पर्ने बताए ।
किसान टेलिभिजन गोमा पाण्डेले संघले पत्रकारहरुसँग सहकार्य गर्न चाहनुले खुशीको सञ्चार भएको बताइन् ।

 

 

प्रकाशित मिति : २५ माघ २०७८, मंगलबार  ७ : ४५ बजे