काठमाडौंको जडिबुटीमा एक बृद्ध मृत फेला

२६ फागुन ०७८, काठमाडौं । काठमाडौं जडिबुटीमा एक बृद्ध मृत अवस्थामा फेला परेका छन् । प्रहरीका अनुसार काठमाडौं महानगरपालिका ३२ जडिबुटीस्थित जया बाबा विश्वकर्मा कवाडी सेन्टरमा काम गर्ने भारत मोतिहारी थानाढाका स्थायी घर भएका ६५ वर्षीय राम बालक महत्तो बिहीबार मृत अवस्थामा फेला परेका हुन् ।
उनी बुधबार बिहान पूजापाठ गरी विभिन्न स्थानहरुबाट कवाडी सामानहरू कलेक्सन गरेर खाना खाई कवाडी सेन्टरमा सुतेका उनी मृत अवस्थामा फेला परेको थिए । उनको मृत्युकोे खबर प्राप्त हुनासाथ महानगरीय प्रहरी प्रभाग कोटेश्वरबाट खटिएको प्रहरीले घटनाका सम्बन्धमा थप अनुसन्धान गरिरहेको जानकारी दिएको छ ।