काठमाडौंको स्युचाटारमा मोटरसाइकल दुर्घटनापछि एक जनाको मृत्यु

accident
२१ चैत ०७८, काठमाडौं । काठमाडौंको स्युचाटारमा मोटरसाइकल दुर्घटना हुँदा मोटरसाइकल चालकको मृत्यु भएको छ ।
नुवाकोटको कुमारी १ घर भई हाल थानकोट बस्ने अन्दाजी २२ वर्षीया लक्ष्मी दर्नालको मृत्यु भएको प्रहरीले जानकारी दिएको छ । बागमति प्रदेश ०२–०२१ प ६३३१ नम्बरको मोटरसाइकल डिभाइडरमा ठोक्किएर दुर्घटना हुँदा उनको मृत्यु भएको बताइको छ ।
दुर्घटनापछि गम्भीर घाइते भएकी उनको उपचारको क्रममा कलंकीस्थित नेपाल नेशनल अस्पतालमा गए राति साढे १० बजे मृत्यु भएको थियो ।
उनले तीव्र गतिमा चलाएको मोटरसाइकल आइतबार साँझ पौने ६ बजे डिभाइडरमा ठोक्किको थियो ।
उनको शवलाई अहिले पोष्टमार्टमको लागि महाराजगंजस्थित त्रि.वि शिक्षण अस्पतालमा राखिएको छ ।