२५ चैत ०७८ , भक्तपुर । ग्रीसस्थित सोलिडारिटी ट्राक्सले नेपालसहित ८ देशका युवा प्रशिक्षकहरुलाई भक्तपुरमा सामाजिक उद्यमशीलताबारे तालिम दिएको छ।
तालिममा नेपालसहित अर्जेन्टिना, ग्रीस, पोल्याण्ड, फ्रान्स, भारत, भियतनाम र स्पेनका १६ जना सामाजिक उद्यमी युवाहरुको सहभागिता रहेको थियो।
ग्रीसस्थित सामाजिक संस्था सोलिडारिटी ट्राक्सअन्तर्गत नै दुई वर्षअघि भक्तपुरमा ‘एस क्लव: युवा उद्यमी सामाजिक क्लव’ कार्यक्रमको पहिलो बैठक बसेको थियो। उक्त बैठकले सुरु गरेको युवा उद्यमशीलता कार्यक्रममार्फत परियोजना हात पारेका उद्यमशील युवाहरुलाई भक्तपुरमै दोस्रो चरणको तालिम दिइएको हो।
संस्थामा आवद्ध नेपालस्थित टोइट (टीओआईटी) संस्थाका अध्यक्ष इन्द्रप्रसाद खाइतूले ग्रीसमा भएको पहिलो चरणको तालिममा सहभागी सामाजिक उद्यमीलाई भक्तपुरमा दोस्रो चरणको तालिम दिइएको जानकारी दिए। उनका अनुसार सामाजिक उद्यमशील युवाहरुको क्षमता अभिवृद्धि गर्ने उद्देश्यले तालिम सञ्चालन गरिएको हो।
प्रतिक्रिया