गोकर्णेश्वर जगडोल र रानीवनमा दुई महिला मृत अवस्थामा फेला

२५ चैत ०७८, काठमाडौं । काठमाडौंको गोकर्णेश्वर जगडोल र नार्गाजुनको रानीवनमा एक एक जना महिला मृत अवस्थामा फेला परेका छन् ।
प्र्रहरीका अनुसार काठमाडौंको गोकर्णेश्वर नगरपालिका ३ जगडोल बन कार्यालय नजिक जंगलमा काठमाडौं महानगरपालिका ६ कपन सरस्वतीनगर बस्ने भोजपुर हतुवागढी गाउँपालिका २ घर भएकी २७ वर्षीया निला राई बिहीबार मृत अवस्थामा फेला परेकी छिन् ।
साथै नार्गाजुन नगरपालिका १ रानीवनस्थित मानव सेवा आश्रममा आश्रमको हेरचाहमा बस्दै आएकी पर्सा घर बताउने करिब ३५ वर्षीया मिना बस्नेत आफ्नै सुत्ने ओछ्यानमा शुक्रबार मृत अवस्थामा फेला परेकी छन् ।
घटनाहरुका सम्बन्धमा प्रहरीले थप अनुसन्धान गरिरहेको जानकारी दिएको छ ।