ललितपुरको कोज्योसोम अध्यक्षमा कृष्णमान लामा, उपाध्यक्षमा राजनप्रसाद घिमिरे विजय (नजिक)

ललितपुर खबर
२ जेठ ०७९, ललितपुर । दक्षिण ललितपुरको कोञ्ज्योसोम गाँउपालिकाको अध्यक्षमा नेकपा एमालेका कृष्णमान लामा र उपाध्यक्षमा गठबन्धन(नेपाली काँग्रेस)का राजन प्रसाद घिमिरे विजय नजिक पुगेका छन् ।
गाँउपालिकाकी निर्वाचन अधिकृत देविकुमारी चौधरीका अनुसार लगभग ४ सय मत गणना हुँदा अध्यक्षका उम्मेदवार गोपिलाल सिंतान र एमालेका कृष्णमान लामाको मतान्तर मात्रै छ ।
निर्वाचन अधिकृत देविकुमारी चौधरीका अहिलेसम्म गणना भएको मतमध्ये नेकपा एमालेका अध्यक्ष उम्मेदवार कृष्णमान लामाले २ हजार ९ सय ६९ मत पाएका छन् । गठबन्धनबाट अध्यक्षका उम्मेदवार गोपिलाल सिंतानले २ हजार २ सय ८८ मत पाएका छन् । ५ सय मत गणअघि अध्यक्ष र उपाध्यक्षको मतान्तर ६ सय ८१ रहेको छ ।
उपप्रमुखमा भने गठबन्धनका उम्मेदवार राजनप्रसाद घिमिरे मत २ हजार ९ सय ९० मत पाएका छन् । नेकपा एमालेकी प्रतिश्पर्धी रनिता तामाङले १ हजार ९ सय ७१ मत पाएकी छिन् । उपाध्यक्षको मतान्तर १ हजार १९ रहेको छ । जवकी मतदान अधिकृत देविकुमारी चौधरीका अनुसार मत गणना गर्न लगभग ५ सय मात्रै बाँकी छ ।
यो अवधिका राप्रपा नेपालका गाँउपालिका अध्यक्ष उम्मेदवार मानबहादुर तामाङले १ सय २६ मत पाएका छन् भने उपाध्यक्षकी उम्मेदवार निर्मला लामाले १ सय ३९ मत पाएकी छिन्