गोर्कण र मध्यपुर थिमीमा एक एक जना मृत फेला

१५ जेठ ०७९, काठमाडौं । काठमाडौंको गोकर्णेश्वर र भक्तपुरको मध्यपुरथिमीमा एक एक जना मृत अवस्थामा फेला परेका छन् । प्रहरीका अनुसार नगरपालिका ७ शिवचोक डेरा गरी बस्ने काभ्रे धुलिखेल नगरपालिका ११ घर भएकी ७५ वर्षीया कान्छी माया तामाङ यसै ठाउँमा बन्दै गरेको घरमा आइतबार मृत अवस्थामा फेला परेकी छन् ।
शनिबार बेलुकादेखि कोठामा नआएपछि खोजी गर्ने क्रममा उक्त घरको दोश्रो तलामा उनको शव फेला परेको हो ।
भक्तपुरको मध्यपुर ठिमी नगरपालिका ४ कमेरोटारस्थित टहराको पेटीमा खोटाङ रावाबेशी गाउँपालिका ५ घर भएका ६० वर्षीय वीर बहादुर नेपाली शनिबार मृत अवस्थामा फेला परेका छन् ।
घटनाहरुका सम्बन्धमा प्रहरीले अनुसन्धान गरिरहेको जानकारी दिएको छ ।