लाजिम्पाटमा घरको छतबाट खसेर एकजनाको मृत्यु

१६ जेठ ०७९, काठमाडौं  ।  काठमाडौं । काठमाडौं २, लाजिम्पाटमा घरको छतबाट खसेर एकजनाको मृत्यु भएको छ ।
मृत्यु हुनेमा ६४ वर्षीय महेश पन्त रहेको जिल्ला प्रहरी परिसर, काठमाडौंले जनाएको छ । घरमा एक्लै बस्दै आएका उनको घरमा भित्रबाट चुकुल लगाइएको थियो ।
सोमबार बिहान शव भेटिएपछि उपत्यका अपराध अनुसन्धान कार्यालयका प्रमुख एसएसपी वसन्तबहादुर कुँवरसहितको टोली पनि घटनास्थलमा पुगेको थियो । मृतक पन्तकी श्रीमती र छोरा थाइल्याण्डमा बस्दै आएका छन् ।