दक्षिण ललितपुरको महाँकाल गाँउपालिका नाम फेर्दै

१२ जेठ ०७८, ललितपुर । दक्षिण ललितपुरको महाङ्काल गाउँपालिकाले आफ्नो पालिकाको नाम परिवर्तन गर्ने भएको छ ।
गाउँपालिकाको गाउँ सभाको दशौं अधिवेशनले स्थानीय सरकार संचालन ऐन, २०७४ को दफा ४ बमोजिम प्रकृया अघि बढाई गाउँपालिकाको नाम संशोधन गरी महाङ्काल बैतरणी कायम गर्ने निर्णय गरेको गाउँपालिका अध्यक्ष गणेशबहादुर केसीले बताए ।
उनले भने,‘हामी यो प्रस्ताव प्रदेशमा पठाउछौं । प्रदेशले केन्द्रलाई पाठएपछि निर्णय हुन्छ ।’
धार्मिक सांस्कृतिक एवं पर्यटकीय हिसाबले पहिचान रहेकाले गाउँपालिकाको नाम संशोधन गरेर महाङ्काल बैतरणी कायम गर्ने निर्णय भएको अध्यक्ष केसीले बताए ।
दक्षिण ललितपुरको पर्यटकीय क्षेत्रको रुपमा परिचित महाकाँलमा कालेश्वर महादेव मन्दिर, बैर्तर्णी धाम र महाकाल मन्दिर र सिम्बा झरना रहेको छ । पछिल्लो समय यस क्षेत्रमा पर्यटकहरुको बाक्लो उपस्थित हुने गरेको छ ।
पछिल्लो समय दक्षिण ललितपुरकै वागमती गाँउपालिकाको नाम नजिकै रहेको मकवानपुरमा पनि उस्तै नाम रहेको भन्दै नाम परिवर्तनको बहस जारी छ ।