३० भदौ ०७९, काठमाडौं । फुटपाथ व्यवसायीहरुले फुटपाथमा व्यापार गर्न पाउनुपर्ने माग राख्दै काठमाडौं महानगरपालिका घेराउ गरेका छन् । जिफन्ट निकट नेपाल स्वरोजगार श्रमिक व्यापार संघको अगुवाइमा फुटपाथ व्यवसायीहरुले महानगर घेराउ गरेका हुन् ।
फुटपाथ एवं साना व्यवसायीलाई विकल्प नदिई काठमाडौं महानगरले हटाएको उनीहरको गुनासो छ । साना व्यवसायीहरु सुन्धारामा जम्मा भएर भद्रकाली हुँदै महानगर कार्यालय पुगेर घेराउ गरेका हुन् । महानगरले जिविकोपार्जनका लागि फुटपाथमा व्यवसाय गरिरहेकाहरुलाई व्यवस्थापन भन्दा पनि विस्थापन मात्रै गर्न खोजेको उनीहरुले गुनासो गरेका छन् ।
प्रतिक्रिया