काठमाडौंका मेयर बालेन भन्छन्, ‘फुटपाथको व्यापार सधैलाई निषेध गरिन्छ’

१३ असोज ०७९, काठमाडौं । काठमाडौंमा मेयर बालेन शाहले काठमाडौंमा हुँदै आएको फुटपाथको व्यापार सधैलाई निषेध गरिने बताएका छन् । विज्ञप्ती प्रकाशन गरेर मेयर शाहले फुटपाथ पैदल यात्रीको पहिलो अधिकार रहेको र चाडपर्वको बेला फुटपाथको झन् जरुरी पर्ने बताएका छन् ।
महानगरले सहरी सरसफाईलाई पूर्ण सरसफाइसम्म पु¥याउने, सहरी सुन्दरता कायम गराउने जस्ता विषयलाई नीतिगत व्यवस्था गरेर कार्यान्वयनका लागि कार्यक्रम सञ्चालन गरिरहेका बताएको छ ।
आर्थिक बर्ष २०७९÷०८० को वार्षिक नीतिअन्तर्गत पूर्वाधार विकास सम्बन्धी नीतिमा ‘पैदल यात्री सहज आवागमनका लागि फुटपाथको उपयोग सहज र सरल बनाइनेछ र फुटपाथमा मानव आवतजावतबाहेकका सबै क्रियाकलापलाई निषेध गरिनेछ’ भन्ने व्यवस्था गरिएको महानगरको भनाई छ ।
अन्य समयभन्दा चाडपर्वको बेला जेष्ठ नागरिक, बालबालिका, अपाङ्गता भएका व्यक्ति, गर्भवती महिलाहरु किनमेलका घर वाहिर निस्कने, पैदल यात्रा सुरक्षा महानगरपालिकाको जिम्मेवारी रहेको र सडक व्यापारले पैदल मार्गमा हिँड्ने यात्रुलाई बाधा गरेको कुरा सर्वसाधारणले महसुस गरेको विषय भएको विञप्तीमा उल्येख छ
सहरी सुशासन र सहरी विकास व्यवस्थापनका सन्दर्भमा महानगरले नीतिबमोजिम आफ्ना कार्यक्रमहरुलाई निरन्तरता दिने विज्ञप्तीमा उल्येख छ ।
फुटपाथ व्यापारलाई दशैँको सन्दर्भसँग जोडेर प्रकाशन र प्रसारण भएका समाचारप्रति काठमाडौँ महानगरपालिकाको ध्यानाकर्षण भएको जनाएको छ ।