काठमाडौंको दहचोकमा जुवातास खेलिरहेका १८ जना पक्राउ

११ कात्तिक ०७९, काठमाडौं । नागार्जुन नगरपालिका ७ स्विट्जरल्याण्ड पार्क नजिकै दहचोक सिटी भ्यू रिसोर्ट प्रालिभित्र जुवातास खेलिरहेका १८ जनालाई प्रहरीले पक्राउ गरेको छ ।
प्रहरीले सोही नगरपालिका ८ बस्ने ३१ वर्षीय सुरेन्द्र विष्टसमेत १८ जनालाई बिहीबार राति पक्राउ गरेको जनाएको छ ।
प्रहरी प्रभाग बलम्बुबाट खटिएको प्रहरीले उनीहरूलाई नगद रु तीन लाख ८२ हजार पाँच सय ९५ रूपैयाँ, १५ बुक तास र १६ थान कौडासहित पक्राउ गरेको हो ।