ललितपुर छम्पीको घरदैलोमा एमाले अध्यक्ष केपी ओली पुगेपछि…

२९ कात्तिक ०७९, ललितपुर । ललितपुरको छम्पीको चुनावी घरदैलोमा एमाले अध्यक्ष केपी ओली पुगेर ललितपुरबासीलाई सरप्राइज दिएका छन् ।
ललितपुर १ का एमाले उम्मेदवार नवराज सिलवाल र चेतनाथ सञ्जेललाई छक्क पार्दै अध्यक्ष ओली जनताको घरदैलोमा पुगेका हुन् ।
छम्पीमा १५ मिनेट समय बिताएका ओलीले ७ मिनेट सम्बोधन समेत गरे । उनले बोल्दै ललितपुर १ मा नेकपा एमाले बाहेक अन्य कुनै दलले जित्नुपर्ने कुनै आधा नभएको बताए । उनले भने,”एमालेको सरकार हटाएर गठबन्धनको परमादेशी सरकार बनाएको १६÷१७ महिनाभित्र देशलाई बरर्बा गरेको छ । केपी ओली छम्पी पुगेपछि हेर्नेको धुइरो लागेको थियो ।
ललितपुर भैसेपाटी पुगेका ओली एक्कासी छम्पी जाने योजना बनाएका थिए । उम्मेदवार सिलवाल र सञ्जेलको मनोबल बढाउन अध्यक्ष ओली आएका हुन् ।
यसरी उम्मेदवारसँग जनताको घरदैलोमा पुगेको ओलीको यो पहिलो घटना भएको बताइएको छ ।
घरदैलो कार्यक्रममा ओलीपत्नी राधिका शाक्य, स्थायी कमिटी सदस्य सुशीला नेपाल समेत सहभागी थिए ।