चापागाँउ र सूर्यविनायकमा एक एक जना मृत फेला

१९ मंसिर ०७९, ललितपुर । ललितपुरको चापागाँउमा एक पुरुष मृत अवस्थामा फेला परेका छन् । प्रहरीका अनुसार गोदावरी नगरपालिका ११ चापागाउँ डेरा गरी बस्ने नुवाकोट घर भएका ५० वर्षीय कान्छा तामाङ आफ्नै कोठामा सोमबार मृत अवस्थामा फेला परेका हुन् ।

साथै भक्तपुरको सूर्यविनायक नगरपालिका ६ सूर्यविनायक गणेश मन्दिर जंगलमा हाल नाम, थर, वतन नखुलेका करिब ५० वर्षीय पुरुष सोमबार मृत अवस्थामा फेला परेका छन् ।
घटनाहरुका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।