ललितपुर खबर, पाटनढोका
२३ पुस । पाटनढोकाको चौतारामा तरकारी बेच्न बसेकी मनमाया लामा शनिबार साँझ निराश अवस्थामा भेटिइन् ।
शनिबारका दिन । त्यसमाथि राष्ट्रपति विद्यादेवि भण्डारीको भ्रमणले पाटनढोका दिनभरजसो अवरुद्ध भयो । साझा यातयातमा राष्ट्रपति भण्डारी सपारी हुने हल्लासँगै पाटनढोका भीड लाग्यो । ट्राफिकले गाडी रोक्दा ७० बर्षिय बृद्ध मनमाया सामान बोकेर पाटन ढोका आउन सकिनन् ।
‘तीन दिन भो व्यापार गर्न सामान बोकेर आएको साँवा उठेको छैन । आज त व्यापार नै भएन । अव भोकै परिन्छ जस्तो छ’ बृद्ध मनमायाँले भनिन् ।
बृद्ध मनमायाँ पाटनढोकामा नानीसँग बस्छिन् । आफ्नो कमाईले नानीको समेत खर्च धानेकी मनमायाँ राष्ट्रपतिको भ्रमणले सडक अवरुद्ध हुँदा दुःखी थिइन् । ‘हामीलाई पनि केही पैसा दिए हुन्थ्यो नि राष्ट्रपतिले’ उनले आश गरिन् ।
नातीले पार्टी प्यालेसमा काम गर्न सुरु गरेपछि उनी आजकला केही सझिलो भएको् बताउछिन् । उनी भन्छिन्, ‘नाती बाहेक मेरो कोही सहारा छैनन् । छोरा बुहारी छुट्टै बस्छन् ।’
राष्ट्रपति भण्डारी हाकु पटासीमा सझिएर सुरक्षा व्यवस्थासहित शनिबार अपरान्ह पाटन भ्रमणका लागि आएकी थिइन् । उनले मदन पुरस्कार पुस्तकालय, पाटनढोका, गणेश मन्दिर र पिम्वाहः पुखुः पुगेर भोजन ग्रहण र यहाँको ऐतिहासिक पृष्ठभूमिबारे जानकारी लिएकी थिइन् ।
प्रतिक्रिया