गोदावरीमा धार्मिक महोत्सवको प्रचारका लागि शान्ति पदयात्रा

ललितपुर
१८ भदौ । ललितपुरको गोदावरी बाँडेगाँउमा धार्मिक श्रीमद् भागवत विराट ज्ञान महायज्ञको पुर्वसन्ध्यामा आयोजित शान्ति पद यात्रा गरिएको छ ।

मामाघर अनाथालय सपोर्ट एण्ड केयर सेन्टर, नेपाल गोदावरी क्षेत्र बाँडेगाउँमा श्रीमद भागवत विराट ज्ञान महायज्ञको पद यात्रा गरेको हो ।

अभिभावकविहिन अनाथ तथा आधारभूत आवश्यकताबाट वञ्चित बालबालिकाहरूलाई निःशुल्क रूपमा गास, वास, कपास, स्वास्थ्य र शिक्षा प्रदान गर्दै आईरहेको मामाघर अनाथालय आश्रमको लागि श्रीमद् भागवत विराट ज्ञान महायज्ञ आउँदो बुधबारदेखि भाद्र ३० गते सम्म गोदावरी १४ बाँडेगाउँमा आयोजना हुन लागेको छ।