ललितपुरको पुल्चोकमा धुप बालेर बाहिर गएपछि आगलागी

५ पुस । ललितपुरको पुल्चोकमा धुप सल्काएर बाहिर निस्केपछि आगलागी भएको छ ।
प्रहरीका अनुसार ललितपुर महानगरपालिका २० पुल्चोक मछिन्द्र मार्गस्थित देवीका क्षेत्रीले सञ्चालन गरेको सरोजिनी गर्ल्स होस्टेलमा आगलागी भएको हो ।

कोठामा धुप बाली खाना खान निस्किएको समयमा बिहीबार दिउँसो आगलागी हुँदा लत्ताकपडा, किताबहरु, काठको दराज २ थान, काठको टेबल ४ थान जलेर नष्ट भएको प्रहरीले जानकारी दिएको छ ।
आगलागीपछि क्षतिको विवरण एकिन हुन नसकेको प्रहरीको भनाई छ ।