इमाडोलको काठ गोदाममा आगलागी, लाखौंको काठ जलेर नष्ट

१० फागुन । ललितपुर इमाडोलस्थित एक काठ गोदावममा आगलागी पछि लाखौंको काठ जलेर नष्ट भएको छ ।
प्रहरीका अनुसार महालक्ष्मी नगरपालिका ४ इमाडोल टेम्पो पार्क नजिक रहेको बिकाश श्रेष्ठको काठ गोदाम र फर्निचरमा गएराति आगलागी भएको हो ।
प्रहरीले स्थानीय बासिन्दा र दमकलको सहयोगमा आगलागी नियन्त्रणमा लिएको थियो ।
साथै घटनाका सम्बन्धमा आवश्यक अनुसन्धान गरिरहेको प्रहरीले जानकारी दिएको छ । लाखौंको क्षति भएको र क्षतिको यतार्थ विवरण हालसम्म प्रहरीले खुलाएको छैन ।