ललितपुरमा पत्रकारको निर्वाचन गराएको भन्दै ज्याकेट ‘उपहार’

चापागाँउ
पत्रकार महासंघ ललितपुरको निर्वाचन सफल बनाएको भन्दै आज निर्वाचन समितीका सदस्यहरुलाई ज्याकेट उपहार दिइएको छ ।
ललितपुरमा आयोजित महासंघ जिल्ला शाखाको पद हस्तान्तरण कार्यक्रममा महासंघको निर्वाचन समितीलाई टोकन अफ लभको रुपमा सो उपहार दिइएको हो ।
जिल्ला संघका नवनिर्वाचित अध्यक्ष रामहरि कार्कीले लाई ज्याकेट उपहार दिएका थिए । ज्याकेट उपहार पाएपछि निर्वाचन समितीका संयोजक सुरेन्द्र चालिसे, सदस्यहरु अधिवक्ता विराज थापा,सविन शर्मा र प्रभुनारायण बस्नेत खुशी हुँदै लिएको हाँसोबाट प्रस्ट देखिन्थ्यो ।
ज्याकेट उपहार दिने क्रममा ‘काम लाग्ने उपहार दिइएको’ भन्दै सहभागी खासखुस गरेको सुनिन्थ्यो । कतिपयले ‘निर्वाचनकै बेलामा दिएको भए उपयोगी हुने र अब जाडो समाप्त हुनै लाग्दा ज्याकेटको औचित्य सकिएको ’टिप्पणी गरिरहेका थिए ।