११ असार २०८१, सोमबार | Mon Jun 24 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

स्थानीय समाचार


ललितपुरमा सातौँ ‘मेड इन नेपाल’ एक्स्पो शुरु


१० आश्विन २०७६, शुक्रबार  

0
Shares

१०असोज ०७६,ललितपुर। ललितपुरमा आजदेखि ‘मेड इन नेपाल एक्स्पो’को सातौँ संस्करण शुरु भएको छ । दुई दिनसम्म चल्ने एक्स्पोको उद्योग, वाणिज्य तथा आपूर्तिमन्त्री मातृकाप्रसाद यादवले उद्घाटन गर्नुभएको थियो।

मन्त्री यादवले एक्स्पोले ‘नेपालमा सियो पनि बन्दैन’ भन्नेका लागि गतिलो जवाफ दिएको बताउनुभयो । युवाहरुले आफ्नै लगानीमा स्वदेशमै केही गर्न सकिन्छ भन्ने उदाहरण एक्स्पो मार्फत प्रस्तुत गरेको उनले जानकारी दिए।

स्वदेशी उत्पादनलाई प्रोत्साहन गर्न र उत्साही बनाउन मन्त्रालयले काम गर्दै आएको भन्दै उहाँले आगामी दिनमा पनि त्यसलाई निरन्तरता दिइने बताउनुभयो । मन्त्री यादवले भन्नुभयो, “युवा उद्यमीलाई प्रोत्साहन गर्न सरकार तयार छ, गरी पनि रहेको छ, गर्ने तपाईंले नै हो सरकारले सहजीकरण गर्छ । देशमा व्यवसाय गर्ने वातावरण छैन भन्ने कहीँकतै सुनिन्छ तर युवाहरुले आफैँले केही गर्न सकिन्छ भनेर लाग्नुभएको छ । सरकारले उहाँको आँट र हिम्मतलाई सम्मान गर्छ र हौसला दिन्छ ।”

उहाँले कतिपय युवा उद्यमीले स्वदेशी उत्पादन निर्यात पनि गरिरहनु भएको छ । निर्यातमा देखिएका समस्या समाधान र सहजीकरण गर्न पनि सरकार तयार रहेको मन्त्री यादवको भनाइ थियो ।

युवा उद्यमी मञ्चका अध्यक्ष निकोलश पाण्डेले स्वदेशमै उद्यम गरिरहेका र बजारको पहुँच नपाएका उद्यमीलाई अवसर उपलब्ध गराउने उद्देश्यले मेलाको आयोजना गरिएको बताउनुभयो ।

युवाले स्वदेशमा अवसर नपाएको भन्दै विदेशीने मोह बढिरहेको अवस्थामा युवा उद्यमीलाई उद्यम गर्न थप प्रोत्साहन होस् भनेर पनि एक्स्पोको आयोजना गरिएको अध्यक्ष पाण्डेको भनाइ छ । उहाँले सरकारले सहुलियत दरमा ऋण उपलब्ध गराउने र प्रमाणपत्र राखेर बिनाधितो ऋण लिन पाउने व्यवस्थालाई सहज बनाइदिए धेरै युवा उद्यमी बन्नसक्ने बताउनुभयो ।

प्रदर्शनीमा नेपालमा उत्पादित कपडा, मूर्ति, विभिन्न जडीबुटी, अर्गानिक तरकारी, पश्मिना, अचार, महलगायत विभिन्न कम्पनीका उत्पादन गरी सयवटा प्रदर्शनी कक्ष रहेको छ ।

प्रकाशित मिति : १० आश्विन २०७६, शुक्रबार  १० : ०६ बजे