मोडल निशालाई जिउँदैमा श्रद्धाञ्जली दिएर टिकटक बनाएपछि परिवार तनावमा

ललितपुर खबर
१२ भदौं ०७८, ललितपुर । नर्भिक अस्पतालमा उपचाररत ललितपुरकी मोडल निशा घिमिरेलाई श्रद्धाञ्जली दिएर टिकटक बनाएपछि परिवार तनावमा परेको छ ।
अर्जुन पौडेल नामको एकाउण्टबाट टिकटक बनाएर सामाजिक सञ्जालमा भाइरल बनाएपछि परिवार तनावमा परेको निशाको भाई उज्वल घिमिरेले बताए ।

सामाजिक सञ्जालमा श्रद्धाञ्जली दिएको भिडियो देखेपछि आफू छाँगाबाट खसेको आभास भएको घिमिरेले बताए । उनले भने, हामीले भेट्दा एक लाखभन्दा धेरैले हेरेका रहेछन् ।
भिडियो देख्ने वित्तिकै आफू बसेको नजिकै रहेको भैसेपाटी प्रहरी चौकी प्ुगेको उज्वलले ललितपुर खबरलाई बताए । उनलाई भैसेपाटी प्रहरीले जावलाखेल जान अनुरोध गरेपछि निशाकी वावु प्रेम प्रसाद घिमिरे जावलाखेलस्थित ललितपुर प्रहरी परिसर पुगेका थिए । यहाँबाट साइवर क्राइम व्युरोमा उजुरी दिन सुझाएपछि भोटाहिटीस्थित साइवर व्युरो पुगेको घिमिरेले बताए । उनले भने,नेपाल बाहिर कार्यालय रहेको टिकटकलाई यहाँको प्रहरीले कारवाही गर्न नसक्ने रहेछ, त्यसैले म फर्किए । साइवर व्युरोका प्रहरीले फेक आइडीबाट पोष्ट गरेको सामाग्री हटाउन पहल गर्न सकिने तर कारवाही गर्न कठीन रहेको भन्दै उनलाई फर्काको बताए ।
सामाजिक सञ्जालबाट अपराधिक काम गरेर तनाव दिदा समेत आफूले कारवाही गराउन नसकेको भन्दै निशाका वावुले दुखेसो पोखे ।
त्यसबेलासम्म निशाको भिडियो टिकटकबाट मेटिसकेको उज्जवलले ललितपुर खबरलाई बताए । उज्वलले उजुरीका लागि डाउनलोड गरेको भिडियो ललितपुर खबरलाई उपलव्ध गराएका छन् । (जुन भिडियो भ्रामक र दुरासयपूर्ण सामाग्री भएकाले हामीले यहाँ पोष्ट गर्न सकेनौं )

टिकटकमा निशाको श्रद्धाञ्जली दिएको भिडियो देखेपछि धेरैले फोन गरेको समेत उज्वलले बताए । भने,हामी विहीबार दिनभर तनावमा थियौं । अर्जुन पौडेल को थिए भन्नेबारे अझैं पत्ता लागि नसकेको उनले बताए । उनले भने, फेरि यस्तै श्रद्धा१जली दिएर पोष्ट गरिएको खबर पाएको छु । मैले हेर्नपाएको छैन ।
केही समयअघि कलाकार सुरविर पण्डितलाई पनि जिउँदो छँदै श्रद्धाञ्जली दिएको खबर सार्वजनिक भएको थियो ।
नर्भिक अस्पतालको सिसियुमा राखेर उपचार गरिरहेपनि निशाको स्वास्थ्यमा पछिल्लो समय खासै सुधार हुन नसकेको घिमिरेले बताए । उनलाई अस्पतालले रिहाव सेन्टरमा लैजाने प्रस्ताव गरेको छ ।
वावु घिमिरेले निशाको रोगको प्रकृति हेर्दा थेरापी गर्दा सहज हुनेडाक्टरको सल्लाह छ । अन्य विरामी पनि उपचार गरिरहेको ठाँउमा निशालाई राख्दा समस्या भएको उनीहरुको भनाई छ