ललितपुर काँग्रेस सभापतिमा जितेन्द्रकुमार श्रेष्ठ विजयी, चित्रकार १२ मतले पराजित

ललितपुर खबर
१२ मंसिर ०७८, ललितपुर । ललितपुर काँग्रेस सभापतिमा जितेन्द्रकुमार श्रेष्ठ विजयी भएका छन् । ललितपुरको जावलाखेलस्थित स्टाफ कलेजमा आज (आइतबार) भएको मत गणनामा श्रेष्ठले १२ मतले रामकृष्ण चित्रकारलाई पछि पार्दै  ६६५  मत ल्याएर श्रेष्ठले सभापति पदमा जित हासिल गरेका हुन् ।
ललितपुर काँग्रेसको त्रिपक्षिय प्रतिश्पर्धाका कारण शनिबार पनि निर्वाचन गरिएको थियो । निर्वाचनपछि मत गणनाको क्रममा सबैभन्दा थोरै ३ सय ३६ मल ल्याएका सभापतिका दावेदार मीनकृष्ण महर्जन सभापतिको दावीबाट बाहिरिएका थिए ।
सभापतिका दावेदार रामकृष्ण चित्रकारले शनिबार को निर्वाचनका क्रममा ५ सय ४ ल्याएका थिए भने अर्को प्रतिश्पर्धी जितेन्द्रकुमार श्रेष्ठले ४ सय ८२ मत ल्याएका थिए ।
उनका अनुसार आज आइतबार विहान ८ बजेबाट ललितपुरको जावलाखेलस्थित स्टाफ कलेजमा भएको निर्वाचनका १२ सय २१ मत खसेको थियो । मतगणनाको क्रममा ३ मत बदर भएको छ ।