१४ फाल्गुन २०८०, सोमबार | Tue Feb 27 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

विशेष


ललितपुर वागमती गाँउपालिकाकी उपाध्यक्ष घिमिरे अमेरिका उड्दै




ललितपुर खबर
१३ माघ ०७८, ललितपुर । दक्षिण ललितपुरको वागमती गाँउपालिकाकी उपाध्यक्ष रञ्जना घिमिरे तिमल्सिना आफ्ना श्रीमान नवराज तिमल्सिनालाई डिभि परेपछि अमेरिका उड्ने भएकी छिन् ।
श्रोतका अनुसार उनी गाँउपालिकाको यो कार्यकालभर काम गर्ने गरि एक महिनापछि फर्कदैछिन् । उनको परवार अमेरिकामै बसे पनि उनी नेपालमा नै बस्न चाहेकी उनका आफन्तले ललितपुर खबरलाई बताए ।
वागमती गाँउपालिका अध्यक्ष विरबहादुर लोप्चनले कार्यक्रममा लागि अमेरिका जान लागेको बताए । उनले भने,‘एक महिनाका लागि जान लागेको बुझिएको छ ।’
कर्मचारीले जसरी गाँउपालिकामा विदा लिनु नपर्ने हुँदा त्यस विषयमा कार्यालयमा औपचारिक प्रकृया नभएको लोप्चनको भनाई छ ।
उपाध्यक्ष रञ्जना घिमिरे आफू गाँउपालिकालाई स्मार्ट सिटी बनाउन अध्ययन भ्रमणका लागि अमेरिका जान लागेको बताइन् । उनले भनिन्, ‘वाइवात कुरा कसले भन्यो ।’
‘डिभि परेको भन्ने कुरा नै नलेख्नु होला । तपाईलाई डिभि परेको भन्ने प्रमाण छ’ उनले भनिन् । उनले आफू जान लागेको संस्था खुलाउन चाहिनन् ।
आफूसँगै ४÷५ जना लागेको उनले बताइन् । उनले भनिन् वागमतीबाट म एक जना मात्रै छु ।
आफ्नो पद कार्यकारी नभएको र कसैलाई कार्यकारी दिनु पर्ने बताइन् । उनले भनिन्, ‘मैले अध्यक्षलाई जानकारी दिएको छु ।’

रञ्जनामा श्रीमान नवराज तिमल्सिनाले आफूहरु छोरीका लागि अमेरिका जान लागेको बताए ।

 

 

प्रकाशित मिति : १३ माघ २०७८, बिहिबार  ४ : ३५ बजे