लेले महादेवखोला वनमा सञ्चालित खानी बन्द गर्न माग गर्दै स्थानीय आन्दोलित

ललितपुर खबर
१७ फागन ०७८, लेले । ललितपुर लेले महादेव खोलानजिकै फुल्चोकी बनमा सञ्चालित ढुंगा खानी बन्द गर्दै स्थानीयबासी आन्दोलित भएका छन् ।
स्थानीय शेखर महतले सञ्चालन गरेको खानीले जंगल मिचिएको भन्दै स्थानीयहरु पानीको मुल सुक्ने र वातावरणमा असर पु¥याएको भन्दै खानी बन्द गर्न माग गर्दै आइतबार र सोमबार खानी बन्द गरेका थिए ।
स्थानीयको विरोधपछि युनाइटेड सिमेन्टको खानी समेत बन्द भएको थियो । सरकारको अनुमती लिएर युनाइटेड सिमेन्टले नीजि जग्गाका साथै सरकोी बनमो अनुमती लिएर खानी सञ्चालन गरिरहेको छ ।
एक स्थानीयका अनुसार आइतबार महादेवखोला चौतारामा स्थानीयले खानी बन्द गर्न र स्थानीयहरुको माग पुरा गर्न माग गर्दै दिनभर छलफल गरेका थिए । तर निश्कर्ष ननिस्केपछि सोमबार पुन बैठक बसेको थियो ।
स्थानीयहरुले क्लव दर्ता गरेर विधिवत रुपमा अघि मागहरु राख्दै चौतारो, महादेव मन्दिर, बनाउन सहयोग गर्नुपर्ने, प्रधुषण रोक्नु पर्ने बन उत्खनन रोक्नु पर्नेजस्ता माग राखेका थिए ।
छलफलमा गोदावरी नगरपालिका ५ का वडाध्यक्ष मिलन सिलवाल, खानी सञ्चालक महतसहित स्थानीयबासी छलफलमा बसेका थिए । फलफलको क्रममा सिलवालले खानी बन्द गर्दा स्थानीयको रोजीरोटी खोसिने भएकाले आन्दोलन नगर्न र खानी खोल्न राजी हुनका लागि अनुरोध गरेका थिए ।
नाम नबताउने शर्तमा एक स्थानीयले क्लवलाई बार्षिक बजेट उपलव्ध गराउने शर्तमा खानी खोलिएको बताए । उनले भने,पैसा पाएपछि खानी खुलेको छ । अव वनमा डोजर चल्छ ।
एक स्थानीय महिलाले महादेव खोला क्षेत्रमा गाडी चल्दा धेरै धुलो उड्ने गरेकोले बस्न कठीन भएको बताइन् ।
वन क्षेत्रमा दिनदाहाडै डोजर चल्दा रोक्नु पर्नेमा स्थानीय सरकारका प्रतिनिधिहरु मुकदर्शक भएर बसेको भन्दै स्थानीयहरु आजित रहेको उनले बताइन् ।
उनका अनुसार खानी बन्द हुँदा वार्ता गर्र्ने बेलामा प्रहरी आउने गरे पनि बनमा डोजर चल्दा कोही आउँदैनन् । संचालक महतले ढुंगा उत्खनन गरेर युनाइटेड सिमेन्टलाई नै विक्रि गर्ने गर्दछन् ।

टिपर चालक मर्कामा
चक्रपथ भित्र दिउँसो टिपर चल्न नदिदा चालकहरुमर्कामा परेको एक स्थानीय चालकले बताए । उनका अनुसार रातको ९ बजे मात्रै टिपर चल्न दिने हुँदा दिनको एक टिप मात्रै गर्न सकिने हुँदा उनीहरु मर्कामा परेका हुन् । चापागाँउ बजार भएर रातमा मात्रै यहाँका ढुंगा बोक्न पाइने हुँदा दिनको मुस्किलले उनीहरु एक टिप मात्रै ढुंगा ओसार्ने गर्दछन् ।
धेरैजसो खानी बन्द हुने हुँदा टिपरको किस्ता तिर्न समेत नसक्ने अवस्था आएको चालकहरु बताउछन् ।
खानी सञ्चालक महतले ललितपुर खबरसँग कुरा गर्दै स्थानीयले पैसा लिनका लागि अनावश्यक माग राखेर खानी बन्द गरेको दावी गरे ।