कोञ्ज्योसोममा काँग्रेस माओवादी दुई दुई वडामा विजयी, एउटामा एमाले( मत परिणामसहित)

ललितपुर खबर
४ जेठ ०७९, ललितपुर । ललितपुर कोञ्ज्योसोम गाँउपालिकामा गठबन्धनले चार वटामा विजय प्राप्त गरेको छ भने नेकपा एमालेले एउटामा मात्रै विजयी भएको छ ।
निर्वाचन आयोगका अनुसार नेकपा एमाले कोञ्ज्योसोमको १ नम्बर चौघरे र ३ नम्बर दलचोकीमा प्रतिश्पर्धी रहेर दोश्रो स्थानमा रहयो । नेकपा माओवादी नल्लुमा मात्रै दोश्रो भयो ।

गाउँपालिकाका पाँच वडामध्ये दुईमा नेपाली कांग्रेस, दुईमा नेकपा (माओवादी केन्द्र) र एकमा नेकपा (एमाले)का उम्मेदवार विजयी भएका थिए । वडा नम्बर १ चौघरे अध्यक्षमा माओवादी केन्द्रका सन्तलाल तामाङ र वडा नम्बर २ सङ्खुमा एमालेका रोहन लामा, वडा नम्बर ३ दलचोकीमा नेपाली कांग्रेसका तिलक बोम्जन र वडा नम्बर ४ नल्लुमा कांग्रेसका तीर्थ घलान र वडा नम्बर ५ मा माओवादी केन्द्रका विजय तामाङ विजयी भएका छन् ।
नेकपा एमाले गाँउपालिकाको २ नम्बर वडा शंखुमा विजय प्राप्त गरेको थियो । याँहा रोहण घलानले ८ सय ३ मत ल्याउदै ५ सय ५३ मत पाएका लिलाधर घिमिरेलाई पराजित गर्न सफल भए ।
वडा नम्बर १ चौघरेमा नेकपा माओवादीका सन्तलाल लामाले ५ सय ५८ मत ल्याएर नेकपा एमालेका देवबहादुर तामाङलाई पराजित गरे । तामाङको ३ सय ६८ मत आएको थियो ।
नेपाली काँग्रेसका तिलकबहादुर बोम्जनले ५ सय ६७ मत ल्याएर कोञ्ज्योसोम ३ दलचोकीको नेतृत्व हात पारे । उनले ३ सय ७६ मत ल्याएका र नेकपा एमालेका उम्मेदवार रामशरण मगर लाई पराजित गरेका हुन् ।
कोञ्ज्योसोम ४ नल्लुमा नेपाली काँग्रेसका तीर्थबहादुर घलानले ५ सय २५ मत ल्याएर ३ सय २२ मत ल्याउने नेकपा माओवादीका उम्मेदवार अविरल तामाङलाई पराजित गरे ।
कोञ्ज्योसोम ५ भारदेउमा नेकपा माओवादीका विजय कुमार स्याङतानले नेपाली काँग्रेसका जीवनकुमार तामाङलाई पराजित गरेका थिए । माओवादी का उम्मेदवार स्याङतानले ५ सय ६० मत पाए भने काँग्रेसका तामाङले ३ सय ३२ मत पाएका थिए ।

कोञ्ज्येसोम गाउँपालिका अध्यक्षमा नेकपा (एमाले)का उम्मेदवार कृष्णमान लामा र उपाध्यक्षमा नेपाली काङ्ग्रेसका उम्मेदवार राजनप्रसाद घिमिरे विजयी भएका थिए । अध्यक्षमा लामाले तीन हजार १ सय ४ मत ल्याएर विजयी भएका हुन् भने लामाका निकटतम प्रतिस्पर्धी नेकपा (माओवादी केन्द्र)का गोपीलाल सिङतानले दुई हजार ५ सय ९ मत ल्याएका थिए ।