ललितपुर महाँकाल गाँउपालिकाको नाम परिवर्तन निर्णय विवादमा, प्रतिपक्ष एमाले ज्ञापनपत्र बुझाउदै

१४ असार ०७९, ललितपुर । दक्षिण ललितपुरको महाँकाल गाँउपालिकाको नाम परिवर्तन गर्ने गाँउसभाको निर्णय नेकपा एमालेले विरोध गरेको छ ।
गत असार १० गते बसेको दोश्रो गाँउसभाले प्रदेशलाई गाँउपालिकाको नाम महाँकाल बैतरणी बनाउने सिफारिस गरेसँगै प्रतिपक्षी दल एमालेले विरोध गरेको हो ।
नेकपा एमाले पालिका अध्यक्ष पुरुषोत्तम हुमागाईले जिल्ला नेतृत्वसहित माहाँकाल गाँउपालिकाका उपलब्ध अगुवा नेताहरुको बैठकले सर्वसहमति नामाकरण भएकोमा नाम परिवर्तन गर्नु अव्यावहारिक भएको बताए । उनले भने,‘नाम परिवर्तनले समाजमा बिबाद, विग्रह र बिभाजन मात्रै ल्याउने र लहडमा गरिएको निर्णयलाई हामी कुनै पनि हालतमा कार्यान्वयन दिदैनौं ।’
हुमागाईले आज विरोधमा पार्टीले गाँउपालिका अध्यक्षलाई ज्ञापन पत्र बुझाउने तयारी गरेको बताए । भने, हाम्रो माग पुरा भएन भने हामी धर्ना जुलुसलगायतका विरोधका कार्यक्रम सार्वजनिक गर्छौं ।
गाँउपालिकाको नाम परिवर्तन गर्ने निर्णयसँगै दक्षिण ललितपुरमा विभिन्न नाम राख्नु पर्ने तर्कवितर्क सुरु भएको छ । पालिकामा कालेश्वर, सिम्बा झरना, विविरेचौर,बैर्तणी,तोक्तोङगुम्बा नाम राख्नु पर्ने विवाद उत्पन्न भएको छ ।
राज्य पुर्नसंरचनाको समयमा दक्षिण ललितपुरको बुखेल,मानिखेल,गोटिखेल,चन्दनपुर, कालेश्वर र ठूलादुलुङ गाविसलाई क्रमश वडा बनाएर गाँउपालिका गठन गर्ने सर्वसम्मत निर्णय भएको थियो ।
एमाले काँग्रेस गठबन्धनपछि गएको स्थानीय निर्वाचनमा नेकपा एमाले एक्लै निर्वाचनमा होमिएको थियो । निर्वाचनका क्रममा गठबन्धनले प्रतिपक्ष दलले एउटा पनि जनप्रतिनिधि विजयी भएनन ।
गाँउपालिकाको नाम परिवर्तनका लागि दुईतिहाईको समर्थनमा प्रदेशमा सिफारिस गर्नसक्ने प्रावधान छ । प्रदेशले केन्द्रलाई सिफारिस गरेपछि मात्रै नाम परिवर्तनको निर्णय हुन्छ । गाँउपालिकाका अध्यक्ष गणेश केसीले बैठकमा आफूहरुले प्रस्ताव मात्रै गरेको बताए । उनले भने, हामीले दुई तिहाईले सिफारिस गरिसकेका छैनौं । तत्काललाई यो प्रस्ताव अघि बढ्दैन ।