ललितपुरको देउराली बहुउद्देश्यीय सहकारी समस्यामा,ग्राहकलाई १० हजार पैसा फिर्ता गर्दै व्यवस्थापन

१६ असार ०७९, काठमाडौं । ललितपुर सातदोवाटोस्थित देउराली बहुउश्यीय सहकारी संस्था बचतकर्तालाई समयमै बचत फिर्ता गर्न नसक्दा समस्यामा परेको छ ।
पछिल्ला दिनमा बचत फिर्ताका लागि भीड बढेपछि सहकारीले बचत फिर्ता गर्न नसकेको हो ।
हरेक दिन सहकारी कार्यालयमा पैसा लिन आउनेको भीड छ । जावलाखेलमा पसल व्यावसाय गर्दै आएका भारत घर भएका बचतकर्ता राकेश चौधरीले टोकन लिएर मात्रै पैसा निकाल्न पाउने सहकारीले नियम लगाएकोे बताए । उनले भने, गतसोमबारसम्म टोकन बाँडिएको थियो । अहिले बन्द छ । अव टोकल लिनेले अब २८ गते मात्रै पैसा पाउछ ।
सहकारीबाट टोकन लिएकाहरुलाई मात्रै कार्यालय प्रवेश गर्न दिएको छ । आर्थिक बर्षको अन्तिम भएकाले सबै ठाँउमा आर्थिक दबाब रहेको बताउदै सहकारीले साउनको पहिलो साताबाट कारोबार सुचारु गर्ने बताएको छ ।
सहकारीका अध्यक्ष रविन्द्र चौलागाईले एकैपल्ट ४० लाख रुपैयाँ बचतकर्ताको फिर्ता गर्नु परेकाले अप्ठ्यारो परेको स्बीकार गरे । उनले भने,‘हामी भागेका छैनौं । कार्यालय खोलेरै काम गरिरहेका छौं । विस्तारै पैसा फिर्ता गछौं । अहिले पनि दैनिक ३० लाख भन्दा धेरै बचत फिर्ता गरिरहेका छौं ।’
उनका अनुसार बजार प्रतिनिधि अहिले पनि ग्राहकसामु पुगिरहेका छन् । बजारबाट बचत राख्न कर गरिएको छैन तर ऋण उठाउन भने सहकारीले जोडबल गरिरहेको छ ।
सहकारी कार्यालयमा भेटिएका एक बचतकर्ताले नाम नबताउने शर्तमा आफूले ४० लाख बचत गरेको बताए । उनले भने, ‘हरेक दिन १० हजार बचत फिर्ता गर्ने रे । दिन दिनैटोकन पाइदैन । मलाई पैसा फिर्ता दिन २ दुई चार बर्ष लाग्ने भो ।’

पछिल्लो संकट टार्न अध्यक्ष चौलागाई डटेर लागेको एक कर्मचारीले बताए । उनले भन, ‘हरेक दिन छलफल र समस्या समाधानका लागि प्रयास भइरहेको छ ।‘ गएको असार पहिलो साता पैसा फिर्ता माग्न आउने हजारको भीड अहिले सयमा झरेको ती कर्मचारीले बताए ।
पछिल्लो समय आफ्नो सबै पैसा फिर्ता माग्न आउने बचतकर्ताको दबाबले सहकारीलाई झन् दवाव परेको चौलागाई बताउछन् । भन्छन्, ‘सबैले धर्य गरेर हाम्रो काम र हाम्रो व्यावहार हेरेर विस्वास गरेको खण्डमा समस्या सुल्याउन सझिलो हुन्छ ।’
सहकारीले सातदोबाटो र नयाँ सडक र सूर्यविनायकमा शाखा कार्यालयमार्फत बारबार गरिरहेको छ ।