धापाखेलको महायज्ञमा भक्तजनको उत्साहजनक सहभागिता

ललितखबर
जेष्ठ नागरिक सेवा केन्द्र निर्माणको सहयोग जुटाउन ललितपुर महानगर २३ वडा कार्यालय नजिकै सप्ताह महायज्ञ जारी छ । महायज्ञमा भक्तजनको उत्साहजनक सहभागिता देखिएको छ ।
दिनभर कथा प्रवचन, भजन र आरतीका लागि सयौंको भीड लाग्ने गरेको हो ।

कार्यक्रममा संघीय सासंद तोसिमा कार्की, प्रदेस सासंद रघुनाथ महर्जनलगायत विशिष्ठ व्यक्तहरु पुगेर जेष्ठ नागरिक केन्द्र निर्माणका लागि आवश्यक सहयोग गर्ने वचन दिएका छन् ।

देशव्यापी १०८ श्रीमद् भागवत सत्संकल्पकर्ता मुमुक्षु उद्धव शर्माको संयोजनमा सुरु महायज्ञमा अहिलेसम्म करिव १० लाखभन्दा धेरै रकम सहयोग प्राप्त भइसकेको छ । आयोजकका अनुसार कार्यक्रम सफल बनाउन दानविरहरुले विभिन्न सहयोग गरिरहेका छन् ।

धर्म जागरण तथा ज्ञात अज्ञात पितृहरुको मोक्ष प्राप्ती सँगै विश्व शान्ति र देशको उन्नती प्रगतीको कामना गर्दै यो महायज्ञ सुरु गरिएको संयोजक मुमुक्षु शर्मा बताउछन् । महायज्ञको उद्देश्य धर्म जागरण भएको उनी बताउछन् ।

ललितपुर महानगरको २३ नम्बर वडाका टोल सुधार संघ र सो स्थानमा रहेका विभिन्न सामाजिक संघ संस्था यस कार्यक्रमको संकल्पकर्ता छन् । महायज्ञको मुल कर्ता देवकी खड्का रहेकी छन् ।

महायज्ञ पाधाखेलस्थित २३ नम्बर वडा कार्यालय परिसरमा सञ्चालन भइरहेको छ । महायज्ञको शुभारम्भअघि नागदह परिसरसम्म विशाल कलशयात्रा गरिएको थियो ।

आचार्य श्री ओमप्रकाश सुवेदीले संगीतमत कथा प्रचवन दिइरहेका छन् । कथा प्रवचनका लागि झाँकी र संगीतमय बाध्यबाधनसंगै कलाकारहरुले साँगेतिक प्रस्तुती दिइरहेका छन् ।
गएको चैत्र २६ गतेबाट सुरु महायज्ञ वैशाख ३ गते भोलि समापन गर्ने कार्यक्रम छ ।