पुल्चोक फुटपाथमा सिमेन्ट प्रयोग गरेर समय फल्चा बन्दै, स्थानीयले गरे विरोध

ललितपुर खबर
३० भदौं ०७८, ललितपुर । ललितपुर पुल्चोक फुटपाथमा प्रचिन सम्पदा निर्माण गर्ने भन्दै निर्माणाधिन समय फल्चामा सिन्मेन्ट प्रयोग गरेर निर्माण भइरहेको छ ।
प्राचिन सम्पदा निर्माण गर्ने भन्दै ललितपुर महानगरपालिकाले केही दिन अघि शिलान्याश गरेको यो फल्चामा आधुनिक सिमेन्ट प्रयोग गरेपछि स्थानीयबासले विरोध गरेका छन् ।

सिमेन्ट, वालुवा प्रयोग गरेर पुरातात्पिक सम्पदा निर्माण गर्न थालिएको भन्दै स्थानीयबासीले समेत विरोध गरेका हुन् ।
उपभोक्ता समितीका अध्यक्ष रोविन महर्जनले भित्र सिमेन्ट प्रयोग गरे पनि बाहिर भने सुर्कि (बज्र) प्रयोग गर्ने बताए । उनका अनुसार भित्र आधुनिक इटा प्रयोग भए पनि बाहिर भने दाची इटा नै प्रयोग गर्ने ललितपुर खबरलाई बताए । उनका अनुसार महानगरपालिकाले सुर्कि र पुरानो ढाचाको ईंटा प्रयोग नै गर्न भनेको छैन ।

काठमाडौं महनगरपालिकाले रानीपोखरी निर्माणको क्रममा सिमेन्ट र डण्डीको प्रयोग गर्दा लामो समयसम्म विवाद भएको थियो । कमल पोखरीमा समेत सिमेन्ट प्रयोग गर्दा विवाद बल्झेकोे थियो ।
पुरातत्वले ऐतिहासिक पुरातात्विक सम्पदा निर्माण गर्दा सिमेन्ट डण्डीजस्ता आधुनिक सामाग्री प्रयोगमा बन्देज लगाउने गरेको छ ।
सधियारमा रहेको श्री लाली गुराँस सहकारीले मापदण्ड विपरित फल्चा निर्माण गरेको भन्दै विरोध गर्दै आएको छ । सहकारीले सडक विभागको पत्रलगायत विभिन्न निकायले विभिन्न समयमा रोक्न दिएको आदेशलाई टेकेर फल्चा निर्माण गर्न नहुने जिकिर उसको छ । सहकारीले फुटपाथमा निर्माण गरेको विषयलाई समेत उठाएको छ ।

सहकारीका प्रमुख कार्यकारी अधिकृत सुरेन्द्र भण्डारी सडकको ११ मिटरको मापदण्डभित्र फल्चा निर्माण गर्न नहुने बताउछन् । अदालतका अघिल्ला फैसलाहरुमा प्राचिन सम्पदाहरु रहेको अवस्थामा पुर्ननिर्माण गर्न सडक मापदण्ड लागू नहुने फैसला भएको नजिरको आधारमा अहिले त्यो सम्पदा नै रहेको सन्दर्भमा सडक मापदण्ड लागू हुने बताउने गरेका छन् । तर महनगरले भने अदालतको फैसला अनुसार नै निर्माण गरेको बताएको छ ।
महनगरले पुल्चोकजस्तो व्यस्त हुने फुटपाथमा लगभग ३ फुट मात्रै ठाँउ छोडेर यो फल्चा निर्माण भइरहेको छ ।
महानगरको वडा नं. ३ का वडाध्यक्ष श्रीगोपाल महर्जनले सम्पदा निर्माण गर्दा सिमेन्ट प्रयोग हुनु हुने वा नहुने विषयमा महानगरपालिकाका सम्बन्धि निकायले हेर्ने हुदाँ मेयर नै जानकार रहेको बताए । उनले सम्पदा बन्नु हुँदैन भनेर आफूले नभनेको तर कसरी बन्ने बन्ने विषय महानगरपालिकाका सम्बिन्धित निकायले जान्ने बताए ।
फल्चा ३३ लाख १६ हजार लगानीमा उपभोक्ता समिती मार्फत निर्माण भइरहेको छ । यसमा ३ लाख ३१ हजार रुपैयाँ बराबर स्थानीयको जनसहभागितामा निर्माण ह्ुने बताइएको छ । समितीलाई यो फल्चा आँउदो मंसिर ३० गतेभित्र निर्माण सम्पन्न गर्ने कार्यादेश छ । महानगरका सम्बिन्धित अधिकारीहरुसँग यस विषयमा पटक पटक सम्पर्क गर्न खोज्दा सम्पर्क हुन सकेन ।